Úrval smásagna

36 smásögur úr áður útgefnum bókum, 1981-2021

„Út úr smásögum Þórarins má hæglega lesa skilaboð sem mætti orða eitthvað í þessa veru: Sjáið hvað lífið getur verið flókið og skrýtið, við manneskjurnar undarlega saman settar, þversagnakenndar og breyskar, oftlega fórnarlömb alls konar tilviljana og aðstæðna sem við ráðum ekki við, stundum algjörir leiksoppar hugsana okkar, tilfinninga og langana. Við erum öll, hvert á sinn hátt, meiri eða minni ráðgáta.

Húmor Þórarins Eldjárns ljær mannlífinu sjarma fjölbreytileikans, óreiðunnar og skringilegheitanna. Hann hjálpar okkur til að horfast í augu við hið skrýtna í okkur manneskjunum og fáránleikann í tilverunni með bros á vör.“

 Brot úr eftirmála Kristjáns Þórðar Hrafnssonar sem valdi sögurnar.